ఫాస్ట్‌ఫుడ్ సెంటర్‌లో మూడు గ్యాస్ సిలిండర్ల పేలుడు
Cylinder Blast in Fast Food Center : ఏపీ విజయనగరం జిల్లా రాజాంలోని ఓ ఫాస్ట్ ఫుడ్ సెంటర్‌లో.. భారీ అగ్నిప్రమాదం జరిగింది. పాలకొండ రోడ్డులోని డోలపేట జంక్షన్ వద్ద ఫాస్ట్ ఫుడ్ సెంటర్‌లోని మూడు గ్యాస్ సిలిండర్లు పేలటంతో భారీ మంటలు ఎగిసిపడ్డాయి. ఒక్కసారిగా పేలుడు శబ్ధం వినిపించడంతో స్థానికులు.. అటుగా వెళ్లే వాహనదారులు భయాందోళనకు గురయ్యారు. ఈ ఘటనతో కిలోమీటర్ల మేర వాహనాలు ఆగిపోయాయి. స్థానిక అగ్నిమాపక సిబ్బంది మంటలను అదుపు చేశారు. ఈ ప్రమాదంలో ఎవరి ప్రాణాలకు నష్టం జరగలేదని.. కానీ భారీగా ఆస్తి నష్టం జరిగినట్లు స్థానికులు చెబుతున్నారు. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
ఇవీ చదవండి :
