సామాజిక మాధ్యమాల్లో పోలీసులపై దుష్ప్రచారం చేస్తోన్న ఇద్దరు వ్యక్తులపై సైబర్ క్రైమ్ పోలీసులు.. కేసు నమోదు చేశారు. మహారాష్ట్రలోని పుణేలో జరిగిన ఓ సంఘటనను.. తెలంగాణలో జరిగినట్లుగా ట్విట్టర్లో అసత్య ప్రచారం చేసినందుకు గాను హైదరాబాద్కు చెందిన సోమరాజు, జీవన్ అనే ఇద్దరని అరెస్ట్ చేశారు.
తెలంగాణ పోలీసులపై అవమానకరమైన పోస్టులు పెట్టి షేరింగ్లకు పాల్పడుతోన్న వీరిపై ఓ పోలీసు అధికారి.. సైబర్ క్రైమ్కు ఫిర్యాదు చేశాడు. కేసు నమోదు చేసుకున్న పోలీసులు.. నిందితులను అదుపులోకి తీసుకుని దర్యాప్తు జరుపుతున్నారు. సోషల్ మీడియాలో ఈ తరహా అసత్య ప్రచారాలు చేస్తే.. కఠిన చర్యలు తీసుకుంటామని సైబర్ క్రైమ్ ఏసీపీ ప్రసాద్ హెచ్చరించారు.
ఇదీ చదవండి: 90 ఏళ్ల వృద్ధురాలిని భుజాలపై మోసుకెళ్లిన పోలీసు
