ప్రసవానికి ఆ మహిళ ఆస్పత్రికి వెళ్లింది. ఏడాది తొలి కాన్పులో ఓ బిడ్డకు జన్మనిచ్చింది. అప్పటి నుంచి కడుపునొప్పి మొదలైంది. మొదట్లో.. ప్రసవం వల్ల వస్తోన్న నొప్పేమో అనుకుంది. ఎన్నిరోజులైనా తగ్గకపోవడం వల్ల పలు ఆస్పత్రులకు వెళ్లింది. ఎక్కడా వైద్యులు నొప్పికి గల కారణాలు చెప్పలేకపోయారు. చివరకు నొప్పి తీవ్రం కావడం వల్ల హైదరాబాద్లోని ఓ ప్రైవేట్ ఆస్పత్రికి తరలించారు. అక్కడి వైద్యులు వివిధ పరీక్షలు చేయగా తొలి కాన్పు సమయంలో కడుపులో దూది మరిచిపోవడం వల్ల పేగులు దెబ్బతిన్నట్లు గుర్తించారు. ఇది మొదట్లోనే గుర్తించకపోవడం వల్ల ఆ మహిళ చికిత్స పొందుతూ మృతి చెందింది.
మహిళ మృతికి తొలి కాన్పు చేసిన వైద్యులే కారణమని ఆగ్రహం చెందిన కుటుంబ సభ్యులు, బంధువులు కాన్పు చేసిన ఆస్పత్రి ఎదుట ఆందోళనకు దిగారు. భువనగిరిలోని ఓ ప్రైవేట్ ఆస్పత్రి ఎదుట మహిళ మృతదేహంలో నిరసన వ్యక్తం చేశారు. ఆమె మృతికి వైద్యుల నిర్లక్ష్యమే కారణమని ఆరోపించారు.
- ఇదీ చదవండి : ప్రముఖ పబ్లిసిటీ డిజైనర్ ఈశ్వర్ కన్నుమూత
