Childrens dead: ఎక్కడో బిహార్ నుంచి పొట్టకూటి కోసం ఇక్కడకు వచ్చారు. కొన్ని సంవత్సరాలుగా వలస కార్మికులుగా జీవనం సాగిస్తున్నారు. ఇంతలోనో ఉన్నట్టుండి జరిగిన రోడ్డు ప్రమాద ఘటన ఆ కుటుంబాల జీవితాల్లో తీవ్రవిషాదాన్ని నింపింది. ఈ ప్రమాదం రంగారెడ్డి జిల్లా ఇబ్రహీంపట్నం మున్సిపాలిటీ పరిధిలోని శేరిగుడా-సాగర్ రహదారిపై జరిగింది.
రహదారిపై ఉన్న దుకాణానికి వెళ్లిన కాజల్, అభిషేక్లను ఆంగ్లిస్టు ప్రైవేట్ స్కూల్ బస్సు ఢీ కొట్టింది. ఈ ఘటనలో కాజల్(12) అక్కడికక్కడే మృతి చెందగా, అభిషేక్ పరిస్థితి విషమంగా ఉండడంతో హుటాహుటిన ఉస్మానియా ఆసుపత్రికి తరలించారు. ఆసుపత్రిలో చికిత్స పొందుతూ బాలుడు మృతి చెందాడు. సమాచారం అందుకున్న పోలీసులు ఘటనాస్థలానికి చేరుకొని కేసు నమోదు చేసి, దర్యాప్తు ప్రారంభించారు.
వీరిది బిహార్ రాష్ట్రంలోని బాబువ జిల్లా, ఆకాలసపూర్ గ్రామానికి చెందిన వలస కార్మికులుగా పోలీసులు గుర్తించారు. గత కొన్ని సంవత్సరాలుగా కవిత రైస్ మిల్లో కార్మికులుగా పనిచేస్తున్నారు. బతుకుతెరువు కోసం వచ్చి, పిల్లలను కోల్పోవడంతో తల్లిదండ్రులు కన్నీరుమున్నీరవుతున్నారు. మృతుల కుటుంబానికి తగిన న్యాయం చేయాలని రహదారిపై బిహార్ వాసులు బైఠాాయించారు.
ఇవీ చదవండి:
