ఆదిలాబాద్ జిల్లా ఇచ్చోడ బైపాస్ వద్ద ఈ నెల 11న జరిగిన ప్రమాదంలో మహారాష్ట్రకు చెందిన పదిహేనేళ్ల బాలుడు విపుల్ మరణించాడు. గుడిహత్నూర్ మండలం ముత్నూర్లో విపుల్ మేనమామ విలాస్ నివాసం ఉంటున్నాడు. మహాశివరాత్రి సందర్భంగా ఇద్దరు కలిసి ఇచ్చోడ మండలం సిరిసెల్మలోని శివాలయానికి వెళ్లారు. తిరుగు ప్రయాణంలో జాతీయ రహదారిపై బైక్పై వెళుతుండగా వారిని లారీ ఢీ కొట్టింది.
క్షతగాత్రులను స్థానికులు ఆదిలాబాద్లోని రిమ్స్ ఆస్పత్రికి తరలించగా చికిత్స పొందుతూ విపుల్ మరణించాడు. పోలీసులు కేసు నమోదు చేసి దర్యాప్తు చేస్తున్నారు. ప్రమాద దృశ్యాలు సీసీ కెమెరాల్లో నిక్షిప్తం కావడంతో అవి సామాజిక మాధ్యమాల్లో వైరల్గా మారాయి.
లైవ్ వీడియో: జాతీయ రహదారిపై రోడ్డు ప్రమాదం
ఇదీ చదవండి: మొబైల్ నెట్వర్క్ మోసం.. లక్షలు స్వాహా..
