Tragedy in Wedding: జగిత్యాలలో ఓ పెళ్లింట తీరని విషాదం నెలకొంది. కాసేపట్లో పెళ్లి సందడి మొదలవుతుందనగా.. ఒక్కసారిగా పిడుగులాంటి వార్త ఆ ఇంటిని కుదిపేసింది. కుమారుని పెళ్లి ఘనంగా జరిపించేందుకు అన్ని ఏర్పాట్లు చేసిన ఆ తండ్రి.. వివాహం చూడకుండానే కన్నుమూశాడు.
జగిత్యాలలోని రవీంద్రనాథ్ ఠాగూర్నగర్కు చెందిన బందెల ఆంజనేయులు అనే ఆర్టీసీ రిటైర్డ్ డ్రైవర్ కుమారుని వివాహం ఈరోజు జరగాల్సి ఉంది. అందుకోసం అన్ని ఏర్పాట్లు ఘనంగా చేశారు. ఇంటి నిండా బంధువుల సందడి.. తెల్లారితే జరిగే పెళ్లికోసం అందరూ ఆయా కార్యక్రమంలో మునిగిపోయారు. ఈ క్రమంలో ఆంజనేయులుకు ఒక్కసారిగా గుండెపోటు వచ్చింది. ఏమవుతుందో తెలుసుకునేలోపే ఆంజనేయులు తిరిగిరాని లోకాలకు వెళ్లిపోయాడు.
ఈ ఘటనతో ఆ ఇంట విషాదఛాయలు అలుముకున్నాయి. ఆర్తనాదాలతో పెళ్లిమంటమంతా మారుమోగింది. గతేడాదే.. ఆంజనేయులు చిన్న కుమారుడు ఎస్సారెస్పీ కెనాల్లో సెల్ఫీ దిగుతూ ప్రమాదవశాత్తు మరణించాడు. పెద్ద కుమారుని పెళ్లితోనైనా.. ఆ దుర్ఘటన నుంచి తేరుకోవచ్చని భావించిన వారి కుటుంబానికి మరోసారి తీరని విషాదమే మిగిలింది.
ఇదీ చూడండి:
