గంజాయి నిల్వలపై దాడులు.. ఇద్దరు అరెస్ట్​

గంజాయి నిల్వచేశారన్న సమాచారంతో ఆబ్కారీ పోలీసులు దాడులు నిర్వహించారు. సంగారెడ్డి జిల్లా అమీన్​పూర్​ మండలానికి చెందిన ఇద్దరిని అదుపులోకి తీసుకున్నారు.

గంజాయి సరఫరా చేస్తున్న ముఠాపై సంగారెడ్డి జిల్లా ఆబ్కారి శాఖ దాడులు చేసింది. ఇద్దరు నిందితులను అదుపులోకి తీసుకుంది. 6.5 కిలోల ఎండు గంజాయి, కారు, రెండు చరవాణులు స్వాధీనం చేసుకున్నారు.

సంగారెడ్డి జిల్లా అమీన్​పూర్ మండలం బొమ్మనకుంటకు చెందిన సురేశ్​ కుమార్​ వర్మ.. తన ఇంటిలో గంజాయి నిల్వ చేసి విక్రయిస్తున్నాడనే సమాచారం ఆబ్కారీ శాఖకు అందింది. ఈ నెల 20న ఆబ్కారీ సీఐ సీతారామిరెడ్డి, ఎస్సైలు వెంకటేష్, స్వపులు తమ సిబ్బందితో దాడులు చేశారు.

సురేశ్​ కుమార్​ వర్మ ఇచ్చిన సమాచారంతో.. పటేల్​గూడ గ్రామానికి చెందిన శ్రీనివాస జాదవ్​ను.. ఆబ్కారీ పోలీసులు అరెస్ట్​ చేశారు. అనంతరం నిందితులిద్దరిని రిమాండ్​కు తరలించారు.

ఇవీచూడండి: అమ్మను చూడటానికెళ్లి అదృశ్యమైన బాలిక.. ఆచూకీ లభ్యం