Young woman drank insecticide taking a selfie video: సెల్ఫీ వీడియో తీసుకుంటూ యువతి ఆత్మహత్యకు పాల్పడిన ఘటన మంచిర్యాల జిల్లా బెల్లంపల్లి పట్టణం షంషీర్ నగర్లో జరిగింది. యువతి ఆత్మహత్యకు పాల్పడటం.. చుట్టు పక్కల గ్రామాల్లో కలకలం సృష్టించింది. సెల్ఫీ తీసుకుంటూ యువతి చెప్పిన మాటలు అందరికీ కన్నీళ్లు తెప్పిస్తాయి.
బెల్లంపల్లి పట్టణం షంషీర్ నగర్కు చెందిన తేజశ్రీ, నెన్నెల మండలం లంబడితాండ గ్రామానికి చెందిన ధరావత్ రాజ్ కుమార్ గత కొన్నేళ్లుగా ప్రేమించుకుంటున్నారు. అతడు పెళ్లి చేసుకుంటానని చెప్పడంతో యువతి గత కొన్ని నెలలుగా హాస్టల్లో ఉంటుంది. ఇంట్లో వాళ్ల మాటను పట్టించుకోకుండా ప్రేమికుడి మాటలు నమ్మింది. చివరికి అతడు ఆ యువతిపై నిందలు మోపి పెళ్లికి నిరాకరించడంతో ఏమి చేయాలో తెలియక పురుగుల మందు తాగి ఆత్మహత్యకు పాల్పడింది. ఆమె ఈ మొత్తం విషయాన్ని సెల్ఫోన్లో సెల్ఫీ వీడియో తీసింది.
ధరావత్ రాజ్కుమార్ ప్రేమించి మోసం చేశాడని ఆరోపిస్తూ పురుగుల మందు తాగింది. బెల్లంపల్లి నుంచి ఆటోలో లంబతాండకు బయలుదేరి, నెన్నెల టీ రోడ్డు వద్దకు రాగానే తనకు కళ్లు తిరుగుతున్నాయని యువతి ఆటో డ్రైవర్తో చెప్పింది. అతను ఆమెను స్థానిక పీహెచ్సీకి తరలించాడు. పరిస్థితి విషమించడంతో మంచిర్యాల ఆసుపత్రి తరలించి చికిత్స పొందుతూ మృతి చెందిందని ఆసుపత్రి వైద్యులు తెలిపారు. రాజ్ కుమార్ వల్లనే తన కుమార్తె ప్రాణం తీసుకుందని బాధితురాలి తల్లి ఆరోపిస్తోంది.
ఇవీ చదవండి:
