హైదరాబాద్లోని ఖైరతాబాద్ ప్రాంతానికి చెందిన రవి కుమార్( 21) అనే యువకుడు ఉరి వేసుకుని ఆత్మహత్య చేసుకున్నాడు. మద్యానికి బానిసైన రవిని అతని తల్లిదండ్రులు మందలించడంతో మనస్తాపానికి గురై ఈ ఘాతుకానికి పాల్పడ్డాడు.
రవి కుమార్ ఖైరతాబాద్ ప్రాంతంలో కుటుంబంతో కలిసి నివాసం ఉంటున్నాడు. రోజు మద్యం సేవించి ఇంటికి వస్తుండడంతో తల్లిదండ్రులు అతన్ని మందలించారు. ఎంత చెప్పిన వినకపోవడంతో... ఇక ఇంటికి రావద్దని తెగేసి చెప్పారు.
ఈ ఘటనతో మనస్తాపానికి గురైన రవి ఇంట్లోని ఇనుపరాడ్డుకు ఉరి వేసుకొని ఆత్మహత్య చేసుకున్నాడు. కేసు నమోదు చేసుకున్న సైఫాబాద్ పోలీసులు శవపరీక్ష కోసం మృతదేహాన్ని ఉస్మానియా ఆసుపత్రికి తరలించారు.
ఇదీ చదవండి: Bullets: కానిస్టేబుల్ బుల్లెట్ల బ్యాగ్ మాయం.. ఇలా దొరికింది!
