10 Month Old Baby Kidnapp: బోధన్ జిల్లా చిన్నమావందికి చెందిన మేకల లక్ష్మీ తన (10)నెలల చిన్నారిని చికిత్స నిమిత్తం ఈ నెల 7న ఆసుపత్రికి తీసుకొచ్చింది. రెండు రోజులు చికిత్స పూర్తిచేసుకొని ఊరికి వెళ్తొంది. ఈ క్రమంలో ఆసుపత్రి సమీపంలో ఉన్న మసీదు వద్ద కాళ్లుచేతులు కడుకుందామని పాపను పక్కన కూర్చొబెట్టింది. అదే అదునుగా భావించిన లేడీ కిడ్నాపర్ గంగామణి పాపను అపహరించి తన స్నేహితురాలైన అంజలి వద్దకు చేర్చింది. చిన్నారి కనబడకపోవడంతో లక్ష్మి ఏడుస్తూ ఉండగా.. గంగామణి ఏమీ తెలియనట్టు ఆమెను ఓదార్చి వింతనాటకం మొదలుపెట్టింది.
రెండు, మూడు రోజులు పాపని వెతికినా.. ఆచూకీ లభించకపోవడంతో లక్ష్మి ఈ నెల 12న పోలీస్ స్టేషన్లో ఫిర్యాదు చేసింది. మిస్సింగ్ కేసు కింద నమోదు చేసుకున్న పోలీసులు.. పాప మిస్సైన ప్రాంతంలో సీసీ కెమెరా ఫుటేజ్ ద్వారా అనుమానితురాలిని గుర్తించి, విచారించగా.. గంగామణి పాపను అపహరించి తన స్నేహితురాలు అంజలికి ఇచ్చిందని విచారణలో తేలింది. అంజలిని తీసుకొచ్చి పోలీసులు విచారణ చేయగా హైదరాబాద్కు చెందిన షమీమ్ బేగం బ్రోకర్ సహాయంతో పర్వీన్ బేగంకి పాపను అమ్మాననీ చెప్పడంతో పోలీసులు హైదరాబాద్ వెళ్లి నిందితులను అరెస్ట్ చేసి, పాపను తీసుకొచ్చారు. పాపను తల్లికి అప్పజెప్పామని.. ఏసీపీ కిరణ్ కుమార్ తెలిపారు.
ఇవీ చదవండి:
