వరంగల్​లో రాములమ్మ అరెస్ట్​

ఇంటర్​ బోర్డు వైఫల్యం, ప్రభుత్వ తీరును నిరసిస్తూ వరంగల్​లో ధర్నాకు దిగిన టీపీసీసీ ప్రచార కమిటీ ఛైర్ పర్సన్ విజయశాంతిని పోలీసులు అరెస్ట్​ చేశారు.  తెలంగాణ వచ్చిన కూడా విద్యార్థులు ఆత్మహత్య చేసుకోవడం బాధకరమని రాములమ్మ ఆవేదన వ్యక్తం చేశారు.

ఇంటర్ బోర్డు వైఫల్యాన్ని నిరసిస్తూ వరంగల్​లో కాంగ్రెస్ ఆందోళన ఉద్రిక్తతకు దారి తీసింది. డీసీసీ అధ్యక్షుడు నాయిని రాజేందర్​రెడ్డి ఆధ్వర్యంలో టీపీసీసీ ప్రచార కమిటీ ఛైర్ పర్సన్ విజయశాంతి, మాజీ మంత్రి కొండా సురేఖ హన్మకొండలోని ఏకశిలాపార్క్ వద్ద ధర్నా చేపట్టారు. కలెక్టరేట్​కు వెళ్లడానికి యత్నించిన విజయశాంతి, ఇతర నేతలను పోలీసులు అడ్డుకున్నారు. పోలీసులు రాములమ్మను అరెస్ట్​ చేసి హసన్​పర్తి పోలీస్ స్టేషన్​కు తరలించారు. విద్యార్థుల జీవితాలతో ప్రభుత్వం ఆడుకుంటోందని విజయశాంతి మండిపడ్డారు.

ఇవీ చూడండి: ఉచితంగా రీ వెరిఫికేషన్​, రీ కౌంటింగ్​