'మహిళలకు రక్షణ కల్పించడంలో ప్రభుత్వం విఫలం'

దేశంలో రోజురోజుకు మహిళలకు రక్షణ లేకుండా పోతోందంటూ వరంగల్‌లో మహిళా రచయితలు అవేదన వ్యక్తం చేశారు. మహిళలపై జరుగుతున్న సంఘటనలను నిరసిస్తూ హన్మకొండలోని అంబేద్కర్ విగ్రహం ఎదుట నిరసన చేపట్టారు. ఇటీవల హత్యాచారానికి గురైన బాలికకు కొవ్వొత్తులతో నివాళులు అర్పించారు.

మహిళలు, బాలికలపై నిమిషానికో అత్యాచారం జరుగుతునే ఉందని.. దేశంలో మహిళలకు రక్షణ లేకుండా పోయిందని మహిళా రచయితలు హన్మకొండలోని అంబేద్కర్ విగ్రహం ఎదుట ఆందోళన చేపట్టారు. ఆవులకు ఉన్న రక్షణ మహిళలకు లేకుండా పోయిందన్నారు.

దేశంలో స్త్రీలు.. అందులో బడుగు బలహీన వర్గాలకు చెందిన మహిళలపై అత్యాచారాలు పెరిగిపోతున్నాయని అవేదన వ్యక్తం చేశారు. ఎక్కడబడితే అక్కడ అత్యాచారాలు జరుగుతునే ఉన్నాయన్నారు. ఇంత జరుగుతున్నా.. ప్రభుత్వాల నుంచి ఏ మాత్రం స్పందన లేదన్నారు.

ఇదీ చూడండి:బంగ్లాదేశ్​ నుంచి వచ్చి హైదరాబాద్​లో అక్రమ నివాసం.. వ్యభిచారం