కామారెడ్డి జిల్లాలోని కలెక్టర్ కార్యాలయంలో సోమవారం ప్రజావాణి నిర్వహించారు. అదే సమయంలో తన భూ సమస్యను పరిష్కరించాలని మద్నూర్ మండలం మెనూర్ గ్రామానికి చెందిన కుమ్రొద్దీన్ కలెక్టరేట్లో కిరోసిన్ పోసుకొని ఆత్మహత్యాయత్నం చేశాడు. ఈ ఘటన ఆలస్యంగా వెలుగులోకి వచ్చింది. అక్కడ ఉన్న సిబ్బంది అది గమనించి అతడిని అడ్డుకున్నారు.
సమస్య ఏంటని అధికారులు అడగ్గా.. పట్టాదారు పాస్బుక్ కోసం నాలుగు సంవత్సరాలుగా కలెక్టరేట్ చుట్టూ తిరుగుతున్నా.. పట్టించుకునే వారే లేరని వాపోయాడు. వేరే మార్గం లేక ఆత్మహత్య చేసుకోవాలనుకున్నట్లు తెలిపాడు.
రైతు గోడు విన్న కలెక్టర్ పాస్పుస్తకం వెంటనే మంజూరు చేయాలని అధికారులను ఆదేశించారు.
