Response: ఈనాడు, ఈటీవీ, ఈటీవీ భారత్ కథనానికి స్పందించి 'రెడీ టు సెర్వ్' ఫౌండేషన్ ఓ కుటుంబానికి చేయూతనందించారు. నల్గొండ జిల్లా చిట్యాల మండలం నేరడ గ్రామానికి చెందిన జంపాల గోపాల్ కండరాల క్షీణత వ్యాధితో బాధపడుతూ గత కొన్ని సంవత్సరాలుగా మంచానికే పరిమితమయ్యారు. ఈ విషయమై ఇటీవల 'గోపాల్ గోస' అనే శీర్షికన ఈనాడు, ఈటీవీ, ఈటీవీ భారత్లో కథనానికి రెడీ టు సెర్వ్ ఫౌండేషన్ స్పందించింది.
గోపాల్ కుటుంబానికి శనివారం రెండు నెలలకు సరిపడా నిత్యావసరాలు, బియ్యం, మందులు అందజేశారు. దీనితో పాటుగా ప్రతి నెల గోపాల్కు అవసరమయ్యే మందులను తామే అందిస్తామని ఫౌండేషన్ స్థాపకుడు పెద్ది శంకర్ పేర్కొన్నారు. ఈ సందర్భంగా ఈనాడు, ఈటీవీ, ఈటీవీ భారత్కు బాధితుడు గోపాల్, ఫౌండేషన్ సభ్యులు కృతజ్ఞతలు తెలియజేశారు.
ఇవీ చదవండి:
