బైక్​పై అలుగు దాటేందుకు యువకుడి ప్రయత్నం.. చివరికి..

భద్రాద్రి జిల్లాలోని పేరంటాల చెరువు మత్తడి దుంకుతోంది. ఓ యువకుడు బియ్యం మూటతో ద్విచక్ర వాహనంపై అలుగు దాటేందుకు ప్రయత్నించాడు. మధ్యలోకి వెళ్లగానే అదుపు తప్పి వాహనం నీటిలో కొట్టుకుపోయింది. గమనించిన స్థానికులు యువకుణ్ని కాపాడారు.

భద్రాద్రి జిల్లా మణుగూరు మండలం సాంబాయిగూడెం- పగిడేరు మార్గంలో పేరంటాల చెరువు అలుగు పడి ఉద్ధృతంగా ప్రవహిస్తుంది. మంగళవారం ఓ యువకుడు బియ్యం మూటతో ద్విచక్ర వాహనంపై దాటేందుకు యత్నించాడు. మధ్యలోకి వెళ్లగానే ఉద్ధృతికి వాహనంతో సహా కొట్టుకపోతుండగా ఆ యువకుడు కష్టం మీద నిలదొక్కుకున్నాడు. ఈ ఘటనలో వాహనం ప్రవాహంలో కొట్టుకపోగా యువకుణ్ని సాంబాయిగూడెం యువకులు ఒడ్డుకు చేర్చారు.

• ఇవీ చదవండి.. దంచికొట్టిన వాన.. పోటెత్తిన మూసీ.. నేడు, రేపు రాష్ట్రంలో భారీ వర్షాలు!