శ్రీశైలం విద్యుత్తు ఉత్పత్తి కేంద్రంలో జరిగిన అగ్నిప్రమాదంపై పీసీసీ అధ్యక్షుడు ఉత్తమ్‌కుమార్‌ రెడ్డి తీవ్రదిగ్భ్రాంతి వ్యక్తం చేశారు. ప్రమాదంలో తొమ్మిది మంది మృతి చెందడం తీవ్ర ఆందోళనకు గురి చేసిందన్నారు. మృతుల్లో సూర్యాపేటకు చెందిన ఏఈ సుందర్‌ నాయక్‌ కూడా ఉన్నారన్న ఉత్తమ్.. మృతుడి కుటుంబానికి ప్రగాఢ సానుభూతి తెలియచేశారు. మంచి భవిష్యత్తు ఉన్న ఇంజినీరు ఇలా ప్రమాదానికి లోనై మరణించడం పట్ల ఆవేదన వ్యక్తం చేశారు.
ఇరు రాష్ట్ర ప్రభుత్వాలు స్పందించి ప్రమాదానికి గల కారణాలను వెంటనే బయటపెట్టాలని డిమాండ్‌ చేశారు. భవిష్యత్తులో ఇలాంటి ఘటనలు జరగకుండా పటిష్ఠ చర్యలు తీసుకోవాలని ఇరు రాష్ట్ర ప్రభుత్వాలకు విజ్ఞప్తి చేశారు.
ఇవీ చూడండి: 'ప్రమాదానికి దారితీసిన పరిస్థితులు బయటకు రావాలి'
