తెలంగాణ రాష్ట్ర సమితి అధినేత, ముఖ్యమంత్రి కేసీఆర్ అధ్యక్షతన... తెలంగాణ భవన్లో పార్టీ రాష్ట్ర కార్యవర్గం సమావేశమైంది. పార్టీ అధ్యక్షుడి ఎన్నికపై సమావేశంలో చర్చించనున్నారు. పార్టీ సభ్యత్వాల పునరుద్ధరణ, గ్రామనుంచి రాష్ట్రస్థాయి వరకు కమిటీల నియామకంపై కూడా చర్చ జరపనున్నారు. కేటీఆర్కు సీఎం పదవి ప్రచారంపైనా కేసీఆర్ స్పష్టతనిస్తారని సమాచారం.
ఏప్రిల్ 27న పార్టీ ఆవిర్భావ దినోత్సవం సందర్భంగా నిర్వహించే ప్లీనరీ సమావేశాలు, సంస్థాగత అంశాలపై సమాలోచనలు జరపనున్నారు. కరోనా కారణంగా గతేడాది వార్షికోత్సవాలు నిర్వహించలేదు. ఈ సారి పార్టీ ఆవిర్భవించి 20 ఏళ్లైన సందర్భంగా ద్విదశాబ్ధి ఉత్సవాలు నిర్వహించాలని యోచిస్తున్నారు. ఎమ్మెల్సీ, కార్పొరేషన్లు, నాగార్జునసాగర్ ఉపఎన్నికలో అనుసరించాల్సిన వ్యూహాలు ఖరారు చేసి... శ్రేణులకు దిశానిర్దేశం చేయనున్నారు.
ఇదీ చూడండి: ఒకే రోజు.. ఒక్క గంటలో కోటి మొక్కలు నాటేందుకు ఏర్పాట్లు
