TRS team meets EC: తెలంగాణ రాష్ట్ర సమితిని భారత్ రాష్ట్ర సమితిగా మార్చిన టీఆర్ఎస్.. అధికారికంగా ఆ పనులు ప్రారంభించింది. ఇవాళ ఆ పార్టీ సభ్యుల బృందం దిల్లీలోని కేంద్ర ఎన్నికల సంఘాన్ని కలిసి.. పార్టీ తీర్మానం కాపీని అందించారు. పేరు మార్పుకు ఆమోదం తెలపాలని తెరాస బృందం ఈసీకి విజ్ఞప్తి చేసింది. తెలంగాణ రాష్ట్ర సమితి పేరు మార్పు ప్రక్రియను ఆ పార్టీ నేతలు ప్రారంభించారు.
ఈసీని కలిసిన వినోద్ కుమార్ బృందం: నిన్న తెలంగాణ భవన్లో పార్టీ చేసిన తీర్మానం కాపీని తీసుకొని తెలంగాణ ప్రణాళికా సంఘం ఉపాధ్యక్షుడు వినోద్ కుమార్ నేతృత్వంలోని బృందం దిల్లీలోని కేంద్ర ఎన్నికల సంఘాన్ని కలిశారు. టీఆర్ఎస్ను భారత్ రాష్ట్ర సమితి-బీఆర్ఎస్గా మారుస్తూ చేసిన తీర్మానం కాపీని ఈసీ అధికారులకు అందజేశారు.
పేరు మార్పుకు ఆమోదం తెలపాలని కోరనున్న వినోద్ కుమార్ బృందం ఈసీ అధికారులకు విజ్ఞప్తి చేసింది. ఇందుకు ఎన్నికల సంఘం అధికారులు ఆమోదం తెలిపితే.. అధికారికంగా టీఆర్ఎస్.. బీఆర్ఎస్ పార్టీగా మారుతుంది.
"చట్టప్రకారం పీపుల్స్ రిప్రజెంటివ్ యాక్ట్ సెక్షన్ 29A(9) లో స్పష్టంగా ఉంది. ఏ పార్టీ అయినా ఆ పార్టీ పేరును, చిరునామాను మార్చితే వేంటనే ఎలక్షన్ కమిషన్కి తెలియజేయాలి. అందుకే సమయం వృథా చేయకుండా మేము వెంటనే.. నిన్న తీసుకున్న తీర్మాన పత్రాన్ని ఈరోజు ఈసీకి ఇవ్వడం జరిగింది. మిగతా విషయాలు ఎలక్షన్ నిబంధనలు అనుసరించి ఉండబోతున్నాయి."- వినోద్ కుమార్, తెలంగాణ రాష్ట్ర ప్రణాళికా సంఘ ఉపాధ్యక్షుడు
ఇవీ చదవండి:
