స్వచ్ఛంద సంస్థ పెద్ద మనసు... వానరానికి అంత్యక్రియలు

అనాథ శవం కనబడితే అంత్యక్రియలకు సాయం చేయకుండా... మనకెందుకులే అని వెళ్లిపోయే రోజుల్లో... ఓ స్వచ్ఛంద సంస్థ మూగజీవికి అంతిమ సంస్కారాలు చేసి పెద్ద మనసు చాటుకుంది. ప్రకాశం జిల్లా కొమరోలులో విద్యుదాఘాతంతో మృతి చెందిన వానరానికి 'మన' స్వచ్ఛంద సంస్థ అంతిమ సంస్కారాలు నిర్వహించింది.

ప్రకాశం జిల్లా కొమరోలు పట్టణంలో ఓ వానరం విద్యుత్ షాక్​కు గురైంది. ఆ మూగజీవిని బతికించడానికి స్థానికులు ఎన్ని ప్రయత్నాలు చేసినా ఫలించలేదు. విషయం తెలుసుకున్న 'మన స్వచ్ఛంద సంస్థ' ప్రతినిధులు స్థానిక ఆటోడ్రైవర్ల సహకారంతో.. కోతికి అంతిమ సంస్కారాలు నిర్వహించాలని నిర్ణయించుకున్నారు. ఆ వానరానికి పూలమాలలు వేసి ఉరేగింపుగా స్థానిక శ్మశాన వాటికకు తీసుకెళ్లి అంత్యక్రియలు పూర్తి చేశారు.

ఇదీ చూడండి: ప్రేమపేరుతో వంచించాడు... ఆపై తనువు చాలించాడు!