MLC Election Polling 2021 : స్థానిక సంస్థల ఎమ్మెల్సీ ఎన్నికల పోలింగ్ జరుగుతోంది. సాయంత్రం 4 గంటల వరకు పోలింగ్ కొనసాగనుంది. ఐదు ఉమ్మడి జిల్లాల్లో ఆరు స్థానాలకు ఎన్నికలు జరుగుతుండగా.. 26 మంది అభ్యర్థులు బరిలో ఉన్నారు. కరీంనగర్ ఉమ్మడి జిల్లాలో రెండు స్థానాలకు, ఆదిలాబాద్, ఖమ్మం, నల్గొండ, మెదక్ ఉమ్మడి జిల్లాల్లో ఒక్కో స్థానానికి ఎన్నిక జరుగుతోంది.
Local Body Quota MLC Election Polling 2021 : ఐదు ఉమ్మడి జిల్లాల్లోని 37 పోలింగ్ కేంద్రాల్లో 5,326 మంది ఓటు హక్కును వినియోగించుకోనున్నారు. కొవిడ్‌ నిబంధనలు పాటిస్తూ పోలింగ్ ప్రక్రియ నిర్వహిస్తున్నారు. ఎలాంటి అవాంఛనీయ ఘటనలు జరగనుండా పోలింగ్ కేంద్రాల వద్ద పటిష్ఠ బందోబస్తు ఏర్పాటు చేశారు. ఈనెల 14న ఓట్ల లెక్కింపు చేపట్టి విజేతలను ప్రకటించనున్నారు.
CEO Shashank Goyal : నిర్మల్ జిల్లాలో జడ్పీ, ఎంపీడీవో కార్యాలయంలో స్థానిక సంస్థల ఎమ్మెల్సీ ఎన్నికల పోలింగ్ కొనసాగుతోంది. 253 మంది ఓటర్లు ఓటు హక్కు వినియోగించుకున్నారు. పోలింగ్ కేంద్రాన్ని సీఈవో శశాంక్ గోయల్ పరిశీలించారు.
