వైరల్: హోంమంత్రి మనవడి టిక్టాక్ వీడియో
రాష్ట్ర హోంమంత్రి మహమూద్ అలీ మనవడు ఫుర్కాన్ అహ్మద్ టిక్టాక్ వీడియో సామాజిక మాధ్యమాల్లో వైరల్గా మారింది. ఫుర్కాన్ తన స్నేహితుడితో కలిసి కింగ్ నాగార్జున నటించిన డాన్ సినిమా హిందీ డబ్బింగ్ డాన్ నం.1 డైలాగ్ను చిత్రీకరించారు. హోంమంత్రి వినియోగించే ప్రభుత్వ అధికారిక వాహనంపై కూర్చొని వీడియో చిత్రీకరించడం ఇప్పుడు చర్చనీయాంశమైంది. వీడియో తీస్తున్న సమయంలో అధికారిక వాహన డ్రైవర్ అక్కడే అటువైపు తిరిగి ఉన్నారు. హోంమంత్రి అధికారిక వాహనాన్ని ఇలా టిక్టాక్ వీడియో తీయడానికి వినియోగించడం వివాదాస్పదంగా మారింది. ఇటీవలి ఖమ్మం కార్పొరేషన్ కార్యాలయంలో పొరుగుసేవల సిబ్బంది టిక్టాక్ వీడియో చేస్తూ ఉద్యోగాలు కోల్పోయిన ఘటన నేపథ్యంలో హోంమంత్రి మనవడి వీడియో చర్చనీయాంశంగా మారింది.
- ఇదీ చూడండి : కర్ణాటకీయం: ప్రారంభమైన చర్చ... కాసేపట్లో ఓటింగ్
