ధర్నాచౌక్ వద్ద ఉపాధ్యాయ సంఘాల మహాధర్నా

ఉపాధ్యాయ, విద్యారంగ సమస్యలు పరిష్కరించాలని రాష్ట్ర ఉపాధ్యాయ సంఘాల పోరాట కమిటీ డిమాండ్ చేసింది. ప్రభుత్వం స్పందించకుంటే పోరాటం ఉద్ధృతం చేస్తామని టీచర్స్ హెచ్చరించారు.

తెలంగాణ రాష్ట్ర ఉపాధ్యాయ సంఘాల పోరాట కమిటీ ఆధ్వర్యంలో హైదరాబాద్​ ఇందిరాపార్క్ ధర్నా చౌక్ వద్ద మహాధర్నా నిర్వహించారు. ఉపాధ్యాయ, విద్యారంగ సమస్యలు పరిష్కరించాలని డిమాండ్ చేశారు. ఐఆర్, పీఆర్​సీ ప్రకటించి, వెంటనే పదోన్నతుల ప్రక్రియ చేపట్టాలని కోరారు. భాషా పండిట్, పీఈటీలను అప్​గ్రేడ్ చేయాలన్నారు. సీపీఎస్​ను రద్దు చేసి పాత విధానాన్ని పునరుద్ధరించాలని విజ్ఞప్తి చేశారు. ఎన్నికల హామీ ప్రకారం పదవీ విరమణ వయస్సు 61 సంవత్సరాలకు పెంచాలని డిమాండ్ చేశారు.

ఇదీ చూడండి: ప్రజా సంక్షేమం కోసం తిరుపతికి పాదయాత్ర