తెదేపా అధినేత చంద్రబాబు నాయుడుకు స్వాగతం పలికేందుకు ఏపీలోని రేణిగుంట విమానాశ్రయం చేరుకున్న ఆ పార్టీ నేతలు, కార్యకర్తలను పోలీసులు అదుపులోకి తీసుకున్నారు. తిరుపతి, చిత్తూరులో తెదేపా చేపట్టిన నిరసన కార్యక్రమాల్లో పాల్గొనేందుకు చంద్రబాబు ఈ రోజు చిత్తూరు జిల్లాలో పర్యటించేందుకు రేణిగుంటకు చేరుకున్నారు. ఈ నిరసనలకు అనుమతించని పోలీసులు పార్టీ నేతలను ఇప్పటికే గృహ నిర్బంధం చేశారు.
కొందరు నేతలు పోలీసుల దృష్టి మరల్చి రేణిగుంట చేరుకున్నారు. విమానాశ్రయం పరిసర ప్రాంతాల్లో ఆంక్షలు విధించిన పోలీసులు.. అక్కడికి చేరుకుంటున్న నేతలను అదుపులోకి తీసుకున్నారు. తిరుపతి పార్లమెంట్ నియోజకవర్గ అధ్యక్షులు నరసింహ యాదవ్, సత్యవేడు ఇన్చార్జ్ జేడీ రాజశేఖర్తో పాటు పలువురు నాయకులను, కార్యకర్తలను అరెస్ట్ చేసి గాజులమండ్యం పోలీస్ స్టేషన్కు తరలించారు.
చంద్రబాబుకు స్వాగతం పలికేందుకు వెళ్లిన తెదేపా నేతల అరెస్టు
- ఇదీ చదవండి : పేదలకు అండగా తెదేపా
