సముద్రనాచు...పోషకాలకు పెట్టింది పేరు. దీనిలో కొవ్వు తక్కువగా ఉంటుంది. శరీరానికి మేలుచేసే మాంసకృత్తులు, యాంటీఆక్సిడెంట్లు పుష్కలంగా ఉంటాయి. అందుకే ప్రపంచవ్యాప్తంగా సముద్రనాచుని ఉపయోగించి తక్కువ ఖర్చులో పోషకాహార తయారీపై ఎన్నో పరిశోధనలు జరుగుతున్నాయి. ఈ క్రమంలోనే విశాఖపట్నంలోని కేంద్ర మత్స్య సాంకేతిక సంస్థ(సి.ఐ.ఎఫ్‌.టి.)లో శాస్త్రవేత్తగా పనిచేస్తున్న డాక్టర్‌ జెస్మిడెబర్మ సముద్రనాచుతో సాచెట్లని తయారుచేశారు.
ఈ ప్రత్యేకమైన సాచెట్లు అటు పర్యావరణ కాలుష్యానికీ, ఇటు పోషకాహారలేమికి కూడా చెక్‌ పెట్టే ప్రయత్నం చేస్తున్నాయి. ఇవి మసాలాలు వంటివి ప్యాక్‌ చేయడానికి అనుకూలంగా ఉంటాయి. ‘నూడుల్స్‌, కూరలు లాంటివాటిల్లో మసాలాలతో నింపిన ఈ సాచెట్లను నేరుగా వేసేయొచ్చు. ఇవి తేలికగా కరిగిపోయి పోషకాలని అందిస్తాయి. మరోపక్క ప్లాస్టిక్ వ్యర్థాల సమస్యా ఉండదు’ అని అంటున్నారు డాక్టర్‌ జెస్.
- ఇదీ చూడండి : జంటగా చేస్తే ఆరోగ్యం.. ఆనందం..
