రెబల్ స్టార్ ప్రభాస్ నటించిన 'ఆదిపురుష్' చిత్రం షూటింగ్ చివరి దశకు చేరుకుంది. చివరి షెడ్యూల్ను ప్రారంభించడానికి సెప్టెంబర్ 17న ముంబయికి బయలుదేరింది చిత్రబృందం. లాక్డౌన్ కారణంగా కొంతకాలం వాయిదా అనంతరం సినిమా షూటింగ్‌ను తిరిగి ప్రారంభించారు.
ఈ చిత్రానికి సంబంధించిన చివరి షెడ్యూల్ను 'ఆదిపురుష్' బృందం ముంబయిలో సెప్టెంబర్ 18న ప్రారంభించింది. అక్టోబర్ మూడో వారం నాటికి షూటింగ్ పూర్తవుతుందని భావిస్తున్నారు.
రామాయణం ఆధారంగా తెరకెక్కిస్తున్న ఈ సినిమాలో ప్రభాస్ రాముడిగా, సైఫ్ అలీఖాన్ రావణుడిగా నటిస్తున్నారు. కృతిసనన్ సీతగా కనిపించనున్నారు. ఓం రౌత్ దర్శకుడు. వచ్చే ఏడాది ఆగస్టు 11న థియేటర్లలోకి రానుందీ చిత్రం.
ఇదీ చూడండి: ప్రభాస్ చేతుల మీదగా 'కళాకార్‌'.. సందీప్ కిషన్ కొత్త సినిమా
