కళ్లు తెరవగానే కరోనాతో కవలల పోరాటం

ఏపీలోని కడపజిల్లా చాపాడు మండలం ఖాదర్ పల్లికి చెందిన ఓ గర్భిణి.. కవల పిల్లలకు జన్మనిచ్చి చనిపోయింది. అనంతరం ఆమెకు పరీక్షచేయగా కరోనా వచ్చింది. పసి పిల్లలు రిమ్స్ ఆసుపత్రిలోనే చికిత్స పొందుతున్నారు. వారిని చూసేందుకు వెళ్లిన జాయింట్ కలెక్టర్ సాయికాంత్ ప్రత్యేక శ్రద్ధతో వైద్య చికిత్సలు అందించాలని రిమ్స్ వైద్యాధికారులను ఆదేశించారు.

కళ్లు తెరవగానే ఇద్దరు పసికందులు కరోనాతో పోరాడుతున్నారు. ఏపీలోని కడప జిల్లా చాపాడు మండలం ఖాదర్ పల్లికి చెందిన గర్భిణి 2 రోజుల క్రితం కవలలకు జన్మనిచ్చి కన్నుమూసింది. అనంతరం జరిపిన పరీక్షల్లో ఆమెకు కరోనా పాజిటివ్ అని తేలింది. నాటినుంచీ ఇద్దరు శిశువులను రిమ్స్‌లో చేర్పించి చికిత్స అందిస్తున్నారు.

రిమ్స్‌ను సందర్శించిన జాయింట్ కలెక్టర్ సాయికాంత్ వర్మ.. పిల్లలకు అందిస్తున్న చికిత్స గురించి అడిగి తెలుసుకున్నారు. ప్రత్యేక శ్రద్ధతో వ్యవహరించాలని వైద్యులకు సూచించారు.

• ఇదీ చదవండి: ఈనెల 17న జగన్​, కేసీఆర్​తో ప్రధాని భేటీ