Torroor lay out auction: రంగారెడ్డి జిల్లా తుర్కయంజాల్‌ మున్సిపాలిటీ పరిధిలోని తొర్రూర్‌లో ఏర్పాటు చేసిన లే అవుట్కు వేలంకు సంబంధించిన ప్రీ బిడ్‌ సమావేశం ఇవాళ జరగనుంది. ప్రస్తుతం 30 ఎకరాల్లో 223 ప్లాట్లను అభివృద్ది చేసి విక్రయించేందుకు మార్చి 14,15,16,17 తేదీల్లో ఈ- ఆక్షన్ నిర్వహిస్తారు. హెచ్ఎండీఎ నిర్వహిస్తున్న వేలం ప్రక్రియ ఎంఎస్టీసీ ద్వారా ఈ-ఆక్షన్ పద్దతిలో జరగనుంది.
300 నుంచి 600 గజాల ప్లాట్లు..
మధ్య తరగతి కుటుంబాలకు అందుబాటులో ఉండే విధంగా 300 చదరపు గజాల నుంచి 600 చదరపు గజాల వరకు ప్లాట్ల సైజుతో లే అవుట్ ను రూపొందించినట్లు హెచ్ఎండీఏ అధికారులు తెలిపారు. లే అవుట్కు ముందు వంద అడుగుల ప్రధాన రహదారి (మాస్టర్ ప్లాన్ రోడ్), లే అవుట్ లోపల 60 అడుగులు, 40 అడుగుల వెడల్పుతో రహదారులను హెచ్ఎండీఏ ఏర్పాటు చేస్తుందని పేర్కొన్నారు.
కనీస ధర 20 వేలు..
తొర్రూర్ లే అవుట్లో గజానికి కనీస ధర(బేసిక్ రేటు) రూ.20,000లుగా ప్రభుత్వం నిర్ణయించింది. తొరూర్ లే అవుట్లో ప్లాట్లను కొనుగోలు చేయాలనుకునే వారు కేంద్ర ప్రభుత్వ రంగ సంస్థ ఎంఎస్టీసీకి రిజిస్ట్రేషన్ ఫీజు కింద 1,180లు చెల్లించి నమోదు చేసుకోవాలి. అంతే కాకుండా ఈ–ఆక్షన్లో పాల్గొనేందుకు ప్రతి ప్లాట్కు లక్ష రూపాయల చొప్పున ఎర్లీ మనీ డిపాజిట్(ఈఎండీ) చెల్లించాల్సి ఉంటుందని అధికార వర్గాలు వివరించాయి.
ఆన్లైన్లో మరిన్ని వివరాలు..
మార్చి మూడో వారంలో 14 నుంచి 17వరకు ఉదయం తొమ్మిదింటి నుంచి ఒక దఫా.. మధ్యాహ్నం రెండు గంటల నుంచి మరొక దఫా చొప్పున నాలుగు రోజుల పాటు ఆన్లైన్ పద్ధతిలో ఎంఎస్టీసీ ద్వారా ప్లాట్ల ఈ–ఆక్షన్ ప్రక్రియ జరుగుతుంది. హెచ్ఎండీఏ లే అవుట్లలో ప్లాట్ల విక్రయాలకు సంబంధించిన మరింత సమాచారం హెచ్ఎండీఏ వెబ్సైట్లోనూ, ఎంఎస్టీసీ వైబ్సైట్లో వివరాలు అందుబాటులో ఉంచామని అధికారులు తెలిపారు.
ఇదీ చూడండి:
