రైల్వే కోచ్​లు వినియోగంలోకి తీసుకురావాలంటూ హైకోర్టులో పిల్​

దక్షిణ మధ్య రైల్వే రూపొందించిన కొవిడ్​ కోచ్​లు వినియోగంలోకి తెచ్చేలా ప్రభుత్వాన్ని ఆదేశించాలంటూ హైకోర్టులో పిల్​ దాఖలైంది. రెండు వారాల క్రితమే రైల్వే నుంచి ప్రకటన వచ్చినా.. ఇంత వరకు రాష్ట్ర ప్రభుత్వం సరైన విధానం ప్రకటించలేదని న్యాయవాది రామారావు తన వ్యాజ్యంలో పేర్కొన్నారు.

దక్షిణ మధ్య రైల్వే రూపొందించిన 100 కొవిడ్ కేర్ కోచ్​లను.. రాష్ట్ర ప్రభుత్వం వినియోగంలోకి తేవాలని.. హైకోర్టులో న్యాయవాది రామారావు ప్రజాప్రయోజన వ్యాజ్యం దాఖలుచేశారు.

రైల్వే కోచ్​లను వినియోగంలోకి తీసుకొస్తే.. సుమారు 1000 అత్యవసర చికిత్స పడకలు అందుబాటులోకి వచ్చే అవకాశం ఉందన్నారు. ఈ కోచ్​లపై ఈనెల 6నే దక్షిణ మధ్య రైల్యే ప్రకటన చేసిందని.. సుమారు రెండు వారాలు గడుస్తున్నా.. రాష్ట్ర ప్రభుత్వం సరైన విధానం రూపొందించలేదని న్యాయవాది తన వ్యాజ్యంలో పేర్కొన్నారు. జాతీయ విపత్తు నిర్వహణ చట్టం సెక్షన్​ 18(1) ప్రకారం తక్షణ చర్యలు చేపట్టాలంటూ ఉత్తర్వులు ఇవ్వాలని న్యాయవాది రామారావు కోరారు.

ఇవీచూడండి: అదనంగా 20కోట్ల కొవాగ్జిన్​ టీకాల ఉత్పత్తి