PETA Awareness Campaign: మదర్స్ డేను పురస్కరించుకుని జంతువుల సంరక్షణ, గో లెదర్ ఫ్రీపై అవగాహన కోసం పెటా సంస్థ వినూత్న పద్ధతిలో ప్రచార కార్యక్రమం చేపట్టింది. హైదరాబాద్లోని ఇందిరాపార్క్ వద్ద పెటా సభ్యురాలు విభూది జైన్.. ఈ ప్రచారాన్ని చేపట్టారు. లెదర్కు ప్రత్యామ్నాయంగా ఇతర వస్తువులు వాడుకోవచ్చన్న అంశంపై సమాజంలో అవగాహన పెంచేందుకు పెటా కృషి చేస్తోందని విభూది జైన్ తెలిపారు. లెదర్ వస్తువుల వాడకం వల్ల ఎన్నో జంతువులు అకారణంగా మరణిస్తున్నాయని ఆవేదన వ్యక్తం చేశారు.
"ప్రజలందరికి పెటా తరఫున విజ్ఞప్తి చేస్తున్నాం. లెదర్ వస్తువులు వాడకండి. వాటి వాడకం వల్ల ఎన్నో మూగజీవాలు మృత్యువాతపడుతున్నాయి. ఇలా జంతువులను చంపేస్తూపోవటం ఎంత మాత్రం సమాజానికి మంచిది కాదు. మూగజీవాలను బాధ పెట్టి ఈ లెదర్ వస్తువులను తయారు చేయటం అమానుషం. ఈ మదర్స్ డే సందర్భంగా.. జంతువుల సంరక్షణ, గో లెదర్ ఫ్రీ అంశాల అవగాహన కల్పించేందుకు పెటా సంస్థ తరఫున చాలా పట్టణాల్లో ప్రచారం నిర్వహిస్తున్నాం." - విభూది జైన్, పెటా సభ్యురాలు
ఇదీ చూడండి:
