రైల్వే టికెట్ బుకింగ్​కు పూర్తి వివరాలు ఇవ్వాల్సిందే

కరోనా విజృంభనతో రైల్వే టికెట్​ బుకింగ్​ విధానంలోనూ అనేక మార్పులు చేశారు. ప్రయాణికుడి పూర్తి వివరాలు తప్పనిసరిగా అందించాల్సిందేనని అధికారులు స్పష్టం చేస్తున్నారు. టికెట్​ రద్దు చేసుకున్న వారికి పాత విధివిధానాలే కొనసాగిస్తున్నట్టు వివరించారు.

రైల్వే శాఖ టికెట్​ బుకింగ్​ విధానంలో అనేక మార్పులు చేసింది. టికెట్ బుక్ చేసుకునేందుకు ప్రతి ప్రయాణికుడు కచ్చితంగా ఇంతుకుముందు కంటే అదనపు సమాచారం అందించాల్సి ఉంటుందని అధికారులు పేర్కొంటున్నారు. ప్రయాణికుల ఇంటి నంబర్, వీధీ, కాలనీ, సిటీ, జిల్లా, చరవాణీ నెంబర్​ వంటి పూర్తి వివరాలు అందించాల్సి ఉంటుంది. ఐఆర్​సీటీసీ వైబ్​సైట్​, యాప్​, రిజర్వేషన్​ కౌంటర్​... ఏ విధానంలో టికెట్​ బుక్​ చేసుకున్నా ఈ సమాచారం ఇవ్వాల్సిందేనని అధికారులు స్పష్టం చేస్తున్నారు. టికెట్ రద్దు చేసుకున్న వారికి పాత విధివిధానాలే కొనసాగిస్తున్నట్టు వెల్లడించారు.

ఇదీ చూడండి: హోటళ్లు, రెస్టారెంట్లు, షాపింగ్‌ మాల్స్​కు అనుమతి.. నిబంధనలివే..