వర్షాల కారణంగా వాయిదా పడిన పీజీ చివరి సెమిస్టర్ పరీక్షలు ఈ నెల 27 నుంచి నిర్వహించాలని ఉస్మానియా యూనివర్సిటీ నిర్ణయించింది. ఈ మేరకు సవరించిన షెడ్యూలు ప్రకటించింది. పరీక్షలు సోమవారం నుంచే జరగాల్సి ఉన్నా.. వర్షాలతో వాయిదా పడ్డాయి.
పీజీ ప్రవేశ పరీక్ష.. సీపీజీఈటీకి ఆలస్య రుసుము లేకుండా ఆన్లైన్ దరఖాస్తులు సమర్పించే గడువు ఈ నెల 23 వరకు పొడిగించినట్టు కన్వీనర్ కిషన్ తెలిపారు. ఓయూ, కేయూ, తెలంగాణ, పాలమూరు, మహాత్మాగాంధీ, శాతవాహన, జేఎన్టీయూహెచ్లోని ఎంఏ, ఎంకాం, ఎంఎస్సీ, ఐదేళ్ల ఇంటిగ్రేడెట్ కోర్సుల్లో ప్రవేశాల కోసం నవంబరు 6న సీపీజీఈటీ జరగనుంది.
ఆలస్య రుసుము రూ.500 రూపాయలు చెల్లించి ఈ నెల 29 వరకు, రూ.2వేల ఆలస్య రుసుముతో నవంబరు 2 వరకు దరఖాస్తు చేసుకోవచ్చునని పేర్కొంది.
ఇదీ చూడండి: ఈనెల 19, 20, 21 తేదీల్లో జరగాల్సిన ఓయూ పరీక్షలు వాయిదా
