హైదరాబాద్లో పలుచోట్ల మంచినీటి సరఫరాకు అంతరాయం ఏర్పడనున్నట్లు జలమండలి వెల్లడింది. మ‌హాన‌గ‌రానికి మంచినీటి స‌ర‌ఫ‌రా చేస్తున్న కృష్ణా ఫేజ్-1 కోదండ‌పూర్, నాస‌ర్లప‌ల్లి, గొడ‌కండ్ల గ్రామాల వ‌ద్ద గ‌ల పంప్హౌసుల్లో చేపట్టిన మరమ్మతుల నేపథ్యంలో నీటి సరఫరాకు అంతరాయం ఏర్పడనున్నట్లు తెలిపారు. ఈ నెల 16న ఉద‌యం 5 గంట‌ల నుంచి 17 సాయంత్రం 5 గంట‌ల వ‌ర‌కు మంచినీటి స‌ర‌ఫ‌రా ఉండదని పేర్కొన్నారు.
మిరాలం, కిష‌న్బాగ్, బాల్ షెట్టికేత్, అల్జుబైల్ కాల‌నీ, అలియాబాద్, హ‌ష‌మాబాద్, రియాస‌త్ న‌గ‌ర్, సంతోష్ న‌గ‌ర్, విన‌య్న‌గ‌ర్, సైదాబాద్, ఆస్మాన్ గ‌ఢ్, దిల్సుఖ్న‌గ‌ర్, చంచ‌ల్గూడ, యాకుత్పుర, మెహ‌బూబ్మాన్షన్, బొగ్గులకుంట, అఫ్జ‌ల్గంజ్, హిందీన‌గ‌ర్, నారాయ‌ణ‌గూడ, అడిక్మెట్, శివంరోడ్, చిల‌క‌ల‌గూడ రిజర్వాయర్ ప్రాంతాల్లో ఈ సమస్య ఉంటుందని పేర్కొన్నారు. నగర ప్రజలు నీటిని పొదుపుగా వినియోగించుకోవాలని జలమండలి కోరింది.
