సికింద్రాబాద్ ఓల్డ్బోయిన్పల్లి డివిజన్ను గోల్డ్ బోయిన్పల్లిగా తీర్చిదిద్దుతూ... అభివృద్ధి పథంలో తీసుకెళ్లడమే తన లక్ష్యమని కార్పొరేటర్ ముద్దం నరసింహ యాదవ్ తెలిపారు. ఓల్డ్బోయిన్పల్లి డివిజన్ పరిధిలో కూకట్పల్లి ఎమ్మెల్యే మాధవరం కృష్ణారావుతో కలిసి పలు అభివృద్ధి కార్యక్రమాలు ప్రారంభించారు. వర్షాల మూలంగా దెబ్బతిన్న రోడ్లను పూర్తిగా మరమ్మతులు చేసినట్లు తెలిపారు. రోడ్డు నిర్మాణాలు, డ్రైనేజీ వ్యవస్థ, నీటి సరఫరా వ్యవస్థ పూర్తిగా మెరుగుపరచడంలో తాము సఫలమయ్యామన్నారు.
దాదాపు రూ.కోటీ 6 లక్షలతో రోడ్లతో పాటు అనేక అభివృద్ధి కార్యక్రమాలు చేపడుతున్నట్లు కార్పొరేటర్ వెల్లడించారు. ఈ కార్యక్రమంలో డీఈ గోవర్దన్ గౌడ్, ఏఈ అరవింద్ రావు, మాజీ మార్కెట్ యార్డ్ ఛైర్మన్ నరేందర్ గౌడ్, సౌత్ సెంట్రల్ రైల్వే బోర్డు మెంబెర్ కర్రే జంగయ్య, మాజీ కౌన్సిలర్ మక్కల నర్సింగ్, కన్సిస్టెన్సీ ప్రెసిడెంట్ ఇజాజ్ పాల్గొన్నారు.
