కరోనా వైరస్ వ్యాప్తి వల్ల రాష్ట్ర ప్రజలంతా ఆందోళన చెందుతున్నారని రాష్ట్ర దేవాదాయ శాఖ మంత్రి ఇంద్రకరణ్రెడ్డి అన్నారు. తెలంగాణలోని ప్రధాన దేవాలయాల్లో భక్తుల రద్దీ తగ్గిందని తెలిపారు. ఈ ఏడాది ఉగాది పంచాంగ పఠనం దేవాదాయ శాఖ కార్యాలయంలో ఉంటుందని మంత్రి వెల్లడించారు. ప్రజలంతా ఇళ్లలోనే ఉండి పంచాంగ శ్రవణం వీక్షించాలని కోరారు.
భద్రాద్రిలో యథావిధిగా శ్రీరామనవమి వేడుకలు నిర్వహిస్తామని ఇంద్రకరణ్ రెడ్డి తెలిపారు. మంత్రులు, ఎమ్మెల్యేలు, అర్చకుల సమక్షంలోనే ఈ వేడుక జరుగుతుందని, భక్తులెవరికి అనుమతి లేదని స్పష్టం చేశారు. వైరస్ వ్యాప్తి నేపథ్యంలో రాష్ట్ర సర్కార్ తీసుకున్న నిర్ణయం మేరకే నవమి ఉత్సవం జరుపుతున్నట్లు చెప్పారు. ఆన్లైన్లో టికెట్ బుక్ చేసుకున్న వారికి తలంబ్రాలు ఇంటికే పంపిస్తామని వెల్లడించారు.
'ఈ ఉగాదికి ఇళ్లలోనే పంచాంగ శ్రవణం వీక్షించండి'
- ఇదీ చూడండి : బోసిపోయిన భద్రాద్రి..నిర్మానుష్యంగా రామయ్య ఆలయం
