'ఆ ఇద్దరిలో ఒకరికి మాత్రమే పాజిటివ్ వచ్చింది'

ఆరోగ్య రంగంలో దేశంలో తెలంగాణ మూడో స్థానంలో ఉందని వైద్యారోగ్య శాఖ మంత్రి ఈటల రాజేందర్ తెలిపారు. పేదలకు నాణ్యమైన వైద్యం అందుబాటులోకి తేవడమే ప్రభుత్వ లక్ష్యమని స్పష్టం చేశారు. ప్రాథమిక ఆరోగ్య కేంద్రాల్లో అవసరమైన అన్ని సౌకర్యాలు కల్పిస్తున్నామని వివరించారు. వైద్య, ఆరోగ్యశాఖ పద్దుపై జరిగిన చర్చకు మంత్రి ఈటల సమాధానం ఇచ్చారు.

కరోనా పాజిటివ్ వచ్చిన అమ్మాయికి గాంధీలో చికిత్స అందిస్తున్నామని మంత్రి ఈటల రాజేందర్ తెలిపారు. ఆమె ఆరోగ్యం మెరుగ్గానే ఉందని... త్వరలోనే డిశ్చార్జ్ అవుతుందని ఆశాభావం వ్యక్తం చేశారు. ఇద్దరు అనుమానితుల్లో ఒక్కరికి మాత్రమే పాజిటివ్ వచ్చిందని పేర్కొన్నారు. తెలంగాణ గడ్డమీద కరోనా వైరస్ లేదని.. పాజిటివ్​ వచ్చిన వారు విదేశాల నుంచి వచ్చిన వారని ఈటల వివరించారు.

విదేశాల నుంచి వచ్చిన వారిని పర్యవేక్షణ కోసమే వికారాబాద్​కు తరలిస్తామని... కరోనా పాజిటివ్ ఉన్న వారిని కాదని మంత్రి పేర్కొన్నారు. కొవిడ్ 19 పాజిటివ్ వస్తే గాంధీ, ఛాతి ఆస్పత్రుల్లోనే వైద్యం అందిస్తున్నామని తెలిపారు.

ఇదీ చూడండి: సీఎం కంటే ఎన్నికల కమిషనర్ ఎక్కువా?: జగన్​