శరవేగంగా షూటింగ్ జరుపుకుంటున్న "సర్కార్ వారి పాట" చిత్రంలో ఇంటర్వెల్‌కు ముందు ఓ భారీ యాక్షన్ సన్నివేశం ఉంటుందట. ఆ సీన్లో విలన్కు మహేశ్ బాబు.. ఉగ్ర రూపంలో ఉన్న నరసింహ స్వామిలా కనిపిస్తాడట. అయితే మహేశ్ ఇప్పటివరకు అలాంటి గెటప్ వేయకపోవడంతో అభిమానుల్లో అంచనాలు రెట్టింపు అవుతున్నాయి. అయితే సినీ వర్గాల నుంచి మాత్రం దీనికి సంబంధించి ఏవిధమైన సమాచారం వెలువడలేదు. అయినప్పటికీ ఎప్పుడెప్పుడు సినిమా చూసేద్దామా.. ఆ కొత్త లుక్ను చూసేద్దామా అనే ఉత్సుకతతో అభిమానులు ఉన్నారు. ఇంతకీ ఆ గెటప్లో మహేశ్ ఎలా ఉన్నారు... ఎలా నటించారు... ప్రేక్షకుల మనసును దోచేశారా అనేది తెలియాలంటే.. సినిమా రిలీజ్ అయ్యేవరకు ఆగాల్సిందేనట.
'సరిలేరు నీకెవ్వరు' విజయంతో దూకుడు మీదున్నారు స్టార్ హీరో మహేశ్‌బాబు. అదే వేగంతో తన తర్వాతి చిత్రం 'సర్కారువారి పాట'(sarkaru vaari paata) పూర్తి చేద్దామనుకున్నా, ఆ స్పీడ్‌కు కరోనా(coronavirus) బ్రేక్‌లు వేసింది. ప్రస్తుతం షూటింగ్‌లకు ఎలాంటి ఇబ్బందులు లేకపోవడం వల్ల ఈ సినిమా వీలైనంత త్వరగా పూర్తి చేయాలని భావిస్తున్నారట. దర్శకుడు పరుశురామ్‌ వర్కింగ్‌ స్టైల్‌ కూడా అదే కావడం వల్ల సినిమా చిత్రీకరణ శరవేగంగా జరుగుతోందట.
'సర్కారు వారిపాట'లో కథానాయికగా కీర్తి సురేశ్‌(keerthy suresh) నటిస్తోంది. తమన్‌ స్వరాలు సమకూరుస్తున్న ఈ చిత్రాన్ని మైత్రీ మూవీ మేకర్స్‌ నిర్మిస్తోంది. సంక్రాంతి కానుకగా వచ్చే జనవరి 13న ఈ సినిమా ప్రేక్షకుల ముందుకు తీసుకురానున్నారు.
ఇదీ చూడండి: వరుణ్ తేజ్ 'గని' ఫస్ట్ పంచ్.. 'క్లాప్' అప్డేట్
