ఫాలో అవడం అంటే మరీ ఇలా చేయాలా...!

దోమలపై దండయాత్రలో భాగంగా కొందరు నాయకులు, అధికారులు బుక్కవుతున్నారు. డెంగ్యూ నివారణ కోసం మంత్రి కేటీఆర్ పూలకుండీలను శుభ్రపరిస్తే..వాళ్లు అదే పని చేశారు. ఇప్పుడీ ఫొటోలు సోషల్ మీడియాలో వైరలయ్యాయి. చేసేపని వదిలి ఈ ఫోజులేంటని చురకలు అంటిస్తున్నారు.

డెంగ్యూ నివారణ కోసం మొన్నటికి మొన్న మంత్రి కేటీఆర్ తన నివాసంలో దోమలపై దండయాత్రకు దిగారు. నీటి సంపులతోపాటు పూలకుండ్లలో దోమలు లేకుండా శుభ్రపర్చారు. నాయకులు అధికారులు కూడా మంత్రి కేటీఆర్​ను ఫాలో అయ్యారు. వాళ్లు కూడా పూలకుండీల నీళ్లనే మార్చి మమా అనిపించేశారు. వైరల్ అవుతున్న ఈ ఫొటోలపై సోషల్ మీడియాలో దుమ్మెత్తి పోస్తున్నారు. దోమలు పూలకుండీల దగ్గర తప్ప ఇంకెక్కడ ఉండవా అంటూ సెటైర్లు వేస్తున్నారు. నీట్​గా టక్ చేసుకుని ఫొటోలకు ఫోజులేంటని చురకలు అంటిస్తున్నారు.