Yoga Day Special: ఆంగ్ల అక్షరాలు, అంకెల రూపంలో.. యువతి ఆసనాలు!
రకరకాల ఆసనాలతో ఆకట్టుకుంటున్న ఈ యువతి పేరు ప్రసన్న. ఆంధ్రప్రదేశ్లోని కర్నూలుకు చెందిన ప్రసన్న.. ఆరో తరగతిలోనే యోగాపై ఆసక్తి పెంచుకుంది. ఓ గురువు వద్ద ఓనమాలు నేర్చుకుని క్రమం తప్పకుండా సాధనతో యోగాపై పట్టుసాధించింది. ఏడాదిలోనే రాష్ట్రస్థాయి పోటీల్లో పాల్గొని విశేషమైన ప్రతిభ కనబరిచి ఎన్నో పతకాలు సొంతం చేసుకుంది. యోగాలో తనకంటూ ఓ ప్రత్యేక గుర్తింపు ఉండాలనే తలంపుతో ఆంగ్ల అక్షరాలు, అంకెలను యోగాసనాల ద్వారా వేస్తోంది. యోగా ప్రాధాన్యతను తెలియజేయాలన్న ఉద్దేశంతో... భరతనాట్యానికి మిళితం చేసి.. 101 ఆసనాలు వేస్తోంది. కేవలం 13 నిముషాల వ్యవధిలోనే 100 కుపైగా ఆసనాలు వేస్తూ ప్రశంసలు అందుకుంటోంది.
