ఈ ఏడాది ప్రేక్షకులు.. పరిశ్రమ వర్గాలు, అభిమానులు ఎంతో ఆత్రుతగా ఎదురు చూస్తున్న సినిమాల్లో ఒకటి 'కె.జి.ఎఫ్‌2'(KGF 2). ఇప్పటికే థియేటర్లలో సందడి చేయాల్సిన ఈ సినిమా కరోనా వల్ల వాయిదా పడుతూ వచ్చింది. తాజాగా ఈ చిత్ర కొత్త రిలీజ్ డేట్ను ప్రకటించింది చిత్రబృందం. 2022 ఏప్రిల్ 14న ప్రపంచవ్యాప్తంగా థియేటర్లలో రిలీజ్ చేయనున్నట్లు స్పష్టం చేసింది.
యశ్- ప్ర‌శాంత్ కాంబినేష‌న్‌లో గ‌తంలో వ‌చ్చిన 'కేజీఎఫ్ ఛాప్ట‌ర్ 1' అఖండ విజయం అందుకోవ‌డం వల్ల ఈ సీక్వెల్పై భారీ అంచనాలు నెలకొన్నాయి. ఈ చిత్రంలో యశ్ స‌ర‌స‌న శ్రీనిధి శెట్టి న‌టిస్తోంది. ర‌వీనా టాండ‌న్‌, సంజ‌య్ ద‌త్‌, రావు ర‌మేశ్ కీల‌క పాత్ర‌లు పోషిస్తున్నారు. ర‌వి బ‌ర్సూర్ సంగీతం అందిస్తున్నారు.
ఇదీ చూడండి: మాస్ లుక్లో చిరు.. 154వ సినిమా పోస్టర్ రిలీజ్
