తెలంగాణ సంగీత నాటక అకాడమీ, అభినయ థియేటర్ ట్రస్ట్ సంయుక్త ఆధ్వర్యంలో రాష్ట్రంలో తొలిసారిగా నిర్వహిస్తున్న రాష్ట్రస్థాయి బాలల వర్చువల్ నాటకోత్సవాలు ఆకట్టుకుంటున్నాయి. చిన్నారులు తమ నటనతో కళాప్రియుల మదిని దోచుకుంటున్నారు. వివిధ నాటక అంశాలను ప్రదర్శిస్తూ అభినందనలు అందుకుంటున్నారు.
సమాజంలో స్త్రీ విద్య ఆవశ్యకతను తెలియజేస్తూ ప్రదర్శించిన సావిత్రిబాయి నాటకం అందరిని ఆలోచింపజేసింది. దీనికి శ్యామ్ రచన, దర్శకత్వం వహించారు. మహత్మ జ్యోతిరావు ఫూలే వెనకబడిన తరగతుల గురుకుల పాఠశాల సిద్దిపేట విద్యార్థులు ఈ నాటకాన్ని ప్రదర్శించారు.
తాండూర్ జిల్లా పరిషత్ హైస్కూల్ విద్యార్థులు ప్రదర్శించిన పరమానందయ్య శిష్యులు చివరి వరకు ప్రేక్షకులను అలరించింది. దీనికి పద్మాలయ రచన, దర్శకత్వం వహించారు. అదేవిధంగా మనిషి సంకల్పం, మానవతా విలువలు, సమాజాన్ని పట్టిపీడిస్తున్న దురాచారాలను కళ్లకు కట్టినట్టు ప్రదర్శించి మెప్పించారు.
ఇదీ చదవండి: ఆహారశుద్ధి పరిశ్రమలను ప్రోత్సహిస్తే రైతులకు మేలు : కేటీఆర్
