హైదరాబాద్ నుంచి విజయవాడకు ప్రత్యేక విమాన సర్వీసులు

తెలుగు లోగిళ్లలో సంక్రాంతి పండుగకు ప్రత్యేక స్థానముంది. దేశవిదేశాల్లో స్థిరపడిన వాళ్లంతా సొంతూళ్లకు బయలుదేరి వెళుతుంటారు. పిండి వంటలు, ఆటల పోటీలు, కోళ్ల పందేలు.. ఇలా పల్లెలన్నీ సంక్రాంతి శోభతో కళకళలాడుతాయి. ఈ నేపథ్యంలో ద.మ.రైల్వే ప్రత్యేక రైళ్లను, ప్రైవేట్ బస్ ఆపరేటర్లు, టీఎస్ఆర్టీసీ, ఏపీఎస్ఆర్టీసీ ప్రత్యేక బస్సులను నడుపుతున్నాయి. వీటితో పాటు ఇప్పుడు హైదరాబాద్ నుంచి విజయవాడకు సంక్రాంతి పండుగకు వెళ్లే వారి కోసం ప్రత్యేక విమాన సర్వీసులు అందుబాటులోకి వచ్చాయి.

ఈసారి సంక్రాంతి పండుగకు వెళ్లే వారి కోసం ప్రత్యేక విమానాలు సిద్ధమవుతున్నాయి. గన్నవరం విమానాశ్రయం నుంచి సంక్రాంతికి అదనపు సర్వీసులు ప్రారంభమవుతున్నాయి. ఇప్పటికే స్పైస్‌జెట్‌ విమానయాన సంస్థ సంక్రాంతి రద్దీని దృష్టిలో ఉంచుకుని జనవరి 10 నుంచి 31వ తేదీ వరకు హైదరాబాద్‌కు ప్రత్యేక విమానాలను ప్రకటించింది. కేవలం గంటలోనే విజయవాడకు చేరుకోవచ్చు. వీటికి సంబంధించిన షెడ్యూల్​ను స్పైస్ జెట్ విమాన సంస్థ విడుదల చేసింది.

స్పైస్‌జెట్‌ విమాన సర్వీసుల వివరాలు:

• జనవరి 10వ తేదీ నుంచి 31వ తేదీ వరకు ప్రతి రోజూ సాయంత్రం 4.30కు హైదరాబాద్‌లో బయల్దేరి.. 5.30గంటల లోపు విజయవాడకు చేరుకుంటుంది. సాయంత్రం 6 గంటలకు విజయవాడ నుంచి బయల్దేరి రాత్రి 7.10 గంటలకి హైదరాబాద్‌కు చేరుకుంటుంది.
• జనవరి 11వ తేదీ నుంచి 28వ తేదీ వరకు కొత్త సర్వీసు అందుబాటులోకి వస్తుంది. మధ్యాహ్నం 3:20 గంటలకు విమానం విజయవాడలో బయలుదేరి 4:10 గంటలకు హైదరాబాద్​కు చేరుకుంటుంది.
• జనవరి 16 నుంచి 30వ తేదీ వరకు మరో సర్వీసు విజయవాడలో ప్రారంభం అవుతుంది. ఈ విమానం ప్రతి రోజు మధ్యాహ్నం 3.20 గంటలకు బయలుదేరి 3.55కు హైదరాబాద్‌కు వెళుతుంది.

ఇదీ చూడండి: వెలుగులోకి వచ్చిన ఖమ్మం తోగు కోట