'పోలీసు సేవలు భేష్​.. కేంద్రం నిబంధనలు పాటించాలి'

గణేష్ ఉత్సవాలు, మొహర్రం ఊరేగింపు, మసీదుల్లో ప్రార్ధనలపై వేర్వేరుగా ... హోం మంత్రి మహమూద్ అలీ సమీక్షించారు. సమర్థంగా నిర్వహించినందుకు పోలీసులను అభినందించారు. మసీదుల్లో ప్రార్థనల విషయంలో కేంద్ర ప్రభుత్వ నిబంధనలు పాటించాలని విజ్ఞప్తి చేశారు.

గణేష్‌ నిమజ్జనోత్సం, మొహర్రం ఊరేగింపు తదితర అంశాలపై హోంమంత్రి మహమూద్ అలీ... పోలీసు ఉన్నతాధికారులతో చర్చించారు. ఆయా ఉత్సవాలు, ఊరేగింపులు ప్రశాంతంగా నిర్వహించడంతో పాటు కోవిడ్‌ నిబంధనలు పాటిస్తూ ట్రాఫిక్‌కు అంతరాయం కలగకుండా పోలీసులు చేపట్టిన చర్యలను హోం మంత్రి అభినందించారు. కోవిడ్‌ వైరస్‌ వ్యాపించకుండా పోలీసు అధికారులు, సిబ్బంది పనితీరు, బాధితులను ఆదుకునేందుకు సైబరాబాద్‌ పోలీసులు నిర్వహిస్తున్న ప్లాస్మా దానంపై అవగాహన కార్యక్రమాలను ప్రశంసించారు. ఈ సమావేశంలో అదనపు డీజీ జితేందర్‌, హైదరాబాద్‌ సీపీ అంజనీకుమార్‌, సైబరాబాద్‌ సీపీ సజ్జనార్‌, రాచకొండ ఏసీపీ సుధీర్‌బాబు, తదితరులు పాల్గొన్నారు.