నిపుణుల కమిటీ, బీసీజీ (బోస్టన్ కన్సల్టింగ్ గ్రూప్) నివేదికపై అధ్యయనం చేసేందుకు.. హైపవర్ కమిటీ ఏర్పాటు చేస్తూ ఏపీ ప్రభుత్వం ఉత్తర్వులు జారీ చేసింది. సభ్యులుగా ఏపీ మంత్రులు బుగ్గన రాజేంద్రనాధ్, సుభాష్‌ చంద్రబోస్‌, బొత్స సత్యనారాయణ, గౌతంరెడ్డి, కన్నబాబు, సుచరిత, మోపిదేవి, కొడాలి నాని, పేర్ని నాని, ప్రభుత్వ సలహాదారు అజేయ కల్లం, డీజీపీ గౌతం సవాంగ్‌, వీరపుకుమార్ ప్రసాద్‌ ఉంటారు.
హైపవర్ కమిటీ సభ్య కన్వీనర్‌గా సీఎస్‌ నీలం సాహ్ని ఉంటారు. రాజధాని, ప్రాజెక్టులపై నిపుణుల కమిటీ నివేదికలపై.. ఈ కమిటీ అధ్యయనం చేసి నివేదిక ఇస్తుంది. 3 వారాల్లోగా నివేదిక ఇవ్వాలని ఉత్తర్వుల్లో పేర్కొంది.
