ఏపీలోని నెల్లూరు జిల్లా నాయుడుపేట పరిసర ప్రాంతాల్లో ఉదయం నుంచి భారీ వర్షం(heavy rains in nellore) కురిస్తోంది. రహదారులపై వాన నీరు చేరడంతో వాహనాల రాకపోకలకు తీవ్ర అంతరాయం ఏర్పడింది. ఆత్మకూరులో రాత్రి నుంచి కురుస్తున్న(Rain falling in atmakur) వర్షాలకు లోతట్టు ప్రాంతాల్లోని ఇళ్లల్లోకి నీరు చేరింది. సమాచారం తెలుసుకున్న మున్సిపల్ కమిషనర్ రమేష్ బాబు... జేసీబీ సహాయంతో చెరువులకు గండి కొట్టి వరద నీటిని దిగువ ప్రాంతాలకు తరలించారు.
నెల్లూరులో పర్యటిస్తున్న కేంద్ర బృందం
వరద నష్టాన్ని అంచనా వేసేందుకు వచ్చిన కేంద్రబృందం నెల్లూరు జిల్లాలో పర్యటిస్తోంది. కేంద్ర బృందం(central team in nellore) పరిశీలిస్తున్న సమయంలోనే వర్షం ముంచెత్తింది. దీంతో వారి పర్యటనకు అంతరాయం ఏర్పడింది.
కాలనీవాసుల ఆందోళన
జిల్లాలోని అనంతసాగరంలోని ఎస్సీ కాలనీలోని ఇళ్లలోకి నీరు చేరింది. ఇళ్లలోకి వర్షపు నీరు చేరికతో అనంతసాగరం బస్టాండ్ వద్ద కాలనీవాసులు(people protest in rain) ఆందోళన చేపట్టారు. వర్షంలోనే నిరసనకు దిగారు. అధికారులు సహాయ చర్యలు చేపట్టాలని బాధితులు విజ్ఞప్తి చేశారు.
వరద ముంపు మరవకముందే...
గతవారం వరద సృష్టించిన బీభత్సం(flood in nellore) మరవకముందే మరోసారి వర్షం ప్రజల్లో వణుకు మొదలైంది. వరద ముంపు నుంచి తెరుకోకముందే భారీ వర్షం రావడం ప్రజలకు కంటిమీద కునుకు లేకుండా చేస్తోంది. ఇప్పుడిప్పుడే కోలుకుంటున్న తరుణంలో మరో ముప్పు ముంచుకోస్తోంది. అండమాన్ తీరంలో మరో అల్పపీడనం ఏర్పడే అవకాశముందని వాతావరణ శాఖ అధికారులు ఇప్పటికే హెచ్చరించారు. దీంతో ప్రజలకు మరోసారి వరద ముప్పు తప్పేలా కనిపించడం లేదు. ఏపీలోని రాయలసీమ, తమిళనాడులో భారీ వర్షాలు కురిసే అవకాశముందని అధికారులు తెలిపారు.
ఇదీ చదవండి.
