విదేశీ టపాకాయల అమ్మకం చట్ట వ్యతిరేకం: లోకేశ్​ కుమార్

విదేశీ టపాకాయలు హైదరాబాద్​లో దిగుమతి చేయడం, అమ్మడం చట్ట వ్యతిరేకమని జీహెచ్​ఎంసీ కమిషనర్ తెలిపారు. ఇప్పటికే కేంద్ర ప్రభుత్వం బ్యాన్​ చేసిందని వెల్లడించారు.

విదేశీ టపాకాయల దిగుమతులు, అమ్మకాలు, సరఫర చట్ట వ్యతిరేకమని జీహెచ్ఎంసీ కమిషనర్ లోకేష్ కుమార్ వెల్లడించారు. హైదరాబాద్​లో విదేశీ టపాకాయల అమ్మకాలను గుర్తించేందుకు బృందాల ఏర్పాటు చేసినట్టు తెలిపారు.

ప్రజలు విదేశీ టపాకాయలపై జీహెచ్ఎంసీ అధికారులకు సమాచారం ఇవ్వాలని కోరారు. కేంద్రం ప్రభుత్వం ఇప్పటికే బ్యాన్ చేసిందని.. ఇప్పటి వరకు ఉన్న సమాచారం ప్రకారం ఎలాంటి నగరానికి దిగుమతి కాలేదని స్పష్టం చేశారు.

ఇదీ చూడండి: ఓటుకు నోటు కేసు విచారణ 16కు వాయిదా