గణేశ్ మహోత్సవ్ 2021 పేరుతో బెల్జియం రాజధాని బ్రెసెల్స్లో ఈ ఏడాది తొలిసారిగా భారతీయులు వినాయక చవితి వేడుకలు నిర్వహించారు. స్థానికంగా ఉన్న భారతీయుల సంఘం సీజన్స్ అండ్ అకేషన్స్ తరఫున సాగర్ సింగంశెట్టి ఆధ్వర్యంలో జరిగిన ఈ వేడుకల్లో బ్రెజిల్స్తో పాటు నెదర్లాండ్స్, లక్సంబర్గ్ నుంచి కూడా తెలుగు వారు తరలివచ్చారు. సుమారు 400 మంది ఈ వేడుకల్లో పాల్గొన్నారు. సోమవారం చివరిరోజు గణపతి నిమజ్జనాన్ని అంతే ఉత్సాహంతో నిర్వహించారు. 3 రోజుల పాటు సందడిగా పూజలు అందుకున్న 3 అడుగుల మట్టి విగ్రహాన్ని భక్తి శ్రద్ధలతో నిమజ్జనం చేశారు.
1500 యూరోలకు లడ్డూ వేలం
ఈ వేడుకల్లో మట్టి విగ్రహమే కాదు.. 15 కిలోల లడ్డూనూ స్థానికంగా ఉన్న తెలుగువారు సిద్ధం చేశారు. ఈ లడ్డూను వేలం వేయగా హేమ కిరణ్ 1,500 యూరోలు (లక్షా 50వేలు) చెల్లించి సొంతం చేసుకున్నారు. ఈ డబ్బును బ్రజెల్స్ ఫ్లడ్ రిలీఫ్ ఫండ్కు ఇవ్వాలని సీజన్స్ అండ్ అకేషన్స్ సంస్థ నిర్ణయించింది. తొలిసారి నిర్వహించిన చవితి వేడుకలు విజయవంతం కావడంతో.. రాబోయే రోజుల్లో వచ్చే పండుగలను ఇదే ఉత్సాహంతో మరింత వైభవంగా నిర్వహించాలని ఆర్గనైజర్లు నిర్ణయించారు.
ఇదీ చదవండి : Vinayaka Chavithi: విదేశాల్లో వినాయకచవితి వేడుకలు
