Former Karnataka cm Kumaraswamy meet CM KCR: ముఖ్యమంత్రి కేసీఆర్‌తో కర్ణాటక మాజీ ముఖ్యమంత్రి కుమారస్వామి, తమిళనాడుకు చెందిన వీసీకే పార్టీ అధ్యక్షుడు తిరుమావళవన్ ప్రగతిభవన్‌లో సమావేశమయ్యారు. కేసీఆర్ జాతీయ పార్టీని ప్రకటిస్తుండడంతో... ఈ కార్యక్రమంలో భాగస్వాములు అయ్యేందుకు కుమారస్వామి, తిరుమావళవన్ తరలివచ్చారు. ప్రగతిభవన్ వచ్చిన కుమారస్వామి, తిరుమావళవన్ బృందాన్ని... తెరాస అధినేత కేసీఆర్ సాదరంగా ఆహ్వానించారు.
అనంతరం ఏర్పాటు చేసిన అల్పాహార విందులో పాల్గొని వారికి ఆతిథ్యమిచ్చారు. ఈ భేటీలో మంత్రులు హరీశ్ రావు, ప్రశాంత్ రెడ్డి, ఎంపీ సంతోష్ కుమార్.... తదితర ప్రజాప్రతినిధులు ఉన్నారు. వారితో కలిసి కేసీఆర్ అల్పాహారం సేవించారు. అనంతరం ఆ నేతలిద్దరితో సమావేశమయ్యారు. భేటీ తర్వాత కేసీఆర్ మంత్రులు, ఇతర నేతలు కలిసి... తెలంగాణ భవన్‌లో సర్వసభ్య సమావేశానికి హాజరుకానున్నారు.
ఇవీ చదవండి:
