ఈసెట్ అభ్యర్థులకు మొదటి విడత సీట్లు కేటాయించారు. పాలిటెక్నిక్ డిప్లొమా, బీఎస్సీ గణితం చదివిన వారు బీటెక్, బీ-ఫార్మసీ రెండో సంవత్సరంలో చేరేందుకు నిర్వహించిన ఈసెట్లో... 24,832 మంది ఉత్తీర్ణులయ్యారు. రాష్ట్రవ్యాప్తంగా 10,418 సీట్లు ఉండగా... మొదటి విడతలో 8,960 మందికి కేటాయించారు.
ఇంజినీరింగ్లో 170 కాలేజీల్లో 9,388 సీట్లు ఉండగా... 8,953 మందికి కేటాయించారు. బీ-ఫార్మసీలో 125 కాలేజీల్లో 1,030 సీట్లకుగానూ... కేవలం7 సీట్లు మాత్రమే భర్తీ అయ్యాయి. సీటు పొందిన అభ్యర్థులు ఆన్లైన్లో ఫీజు చెల్లించి, సెల్ఫ్ రిపోర్టింగ్ చేసేందుకు... అక్టోబరు 3 వరకు గడువు ఇచ్చినట్టు సాంకేతిక విద్యా శాఖ కమిషనర్ నవీన్ మిత్తల్ తెలిపారు.
