విశాఖ: మావోయిస్టులు, పోలీసులకు మధ్య ఎదురుకాల్పులు

ఆంధ్రప్రదేశ్​లో ఎదురుకాల్పులు కలకలం రేపాయి. విశాఖ-తూర్పు గోదావరి జిల్లాల సరిహద్దుల్లో మావోలు, పోలీసులకు మధ్య సుమారు అరగంట పాటు కాల్పులు జరిగాయి.

విశాఖ-తూర్పుగోదావరి జిల్లాల సరిహద్దుల్లో ఎదురుకాల్పులు జరిగాయి. కొయ్యూరు మండలం మర్రిపాక వద్ద మావోయిస్టులకు, పోలీసులకు మధ్య ఈ ఘటన చోటుచేసుకుంది. అరగంటపాటు ఎదురు కాల్పులు కొనసాగాయి.

ఈ ఘటనలో మావోయిస్టులు తప్పించుకున్నారని సమాచారం. ఘటనాస్థలంలో మావోయిస్టుల సామగ్రిని పోలీసులు స్వాధీనం చేసుకున్నారు. తప్పించుకున్న మావోయిస్టుల కోసం ముమ్మరంగా గాలిస్తున్నారు.

ఇదీ చదవండి: రహదారులపైకి వాహనదారులు.. సీజ్ చేస్తున్న పోలీసులు