హైదరాబాద్ గౌలిగూడ ప్రాంతంలో ఓ దుస్తుల దుకాణంలో భారీ అగ్ని ప్రమాదం సంభవించింది. ఐదంతస్తుల భవనంలో మొదటి అంతస్తులో దుస్తుల షాపు కొనసాగుతోంది. రాత్రి పది గంటల సమయంలో ఒక్కసారిగా మంటలు చెలరేగాయి.
మంటలు భారీగా ఎగసిపడడంతో... స్థానికులు అగ్నిమాపక సిబ్బందికి సమాచారం అందించారు. ఘటన స్థలానికి చేరుకున్న సిబ్బంది నాలుగు శకటాలతో మంటలను అదుపు చేశారు. సమీపంలో ఉన్న ఓ వసతి గృహానికి కూడా మంటలు వ్యాపించడంతో అక్కడ ఉన్న వారిని అధికారులు బయటకు పంపించారు. పరిసర ప్రాంతాల్లోని విద్యుత్తును నిలిపివేశారు. రోడ్డుపై వాహనాల రాకపోకలు ఆపివేసి ట్రాఫిక్‌ను మళ్లించారు.
